阿爾及利亞殺迪冇手軟

2019-07-11 11:18:18 来源:网络

今晚阿King以非洲國家盃8強戰為重心,其中頭場科特迪瓦對阿爾及利亞最有睇頭。科特迪瓦不復當年勇,各自為戰冇隊形可言,相反有王牌馬列斯領軍嘅阿爾及利亞,4戰全勝頗具冠軍相,今場小讓平半,一於捧上盤。

(myTV Gold 301、now 638、有線654及614台周五凌晨零時直播)

科特迪瓦乃前屆非國盃盟主,但喺杜奧巴、耶耶托尼等相繼退出國家隊後,上屆竟於分組賽出局,今屆雖有韋費特沙夏、於法甲里爾爆出嘅尼高拉斯比比等助陣,4戰取得3勝1負,睇落唔曳,但場場波都冇乜整體配合,好似16強對馬里,全因對方後防一次犯錯,畀沙夏偷雞攻入致勝球,表現唔算標青。另一邊廂,阿爾及利亞有曼城翼鋒馬列斯擔大旗,無論正選嘅保利查、後備嘅施利文尼及阿當奧拿斯均交足貨,今屆4戰贏晒之餘,轟9球兼保持清白之身,攻守兼備,論整體表現,遠勝要靠沙夏單天保至尊嘅「大象兵團」,讓平半亦好合理,上盤趁早買。

馬達加斯加「大」無畏
至於非國盃8強戰尾場馬達加斯加對突尼西亞,首次殺入決賽周嘅馬達加斯加,今屆4場比賽都有士哥,踢法堅進取,冇心理包袱下隨時踢得更放,突尼西亞擅打穩守突擊,大細中位數開1.5球咁筍,梗係捧入球大喇。

(myTV Gold 302、now 639、有線655及615台周五凌晨3時直播)

最後係南球盃16強首回合有阿甲內訌,高隆主場硬撼小阿根廷人,兩軍都未開咧,狀態始終差啲,小阿根廷人近8仗6次開半場和,不妨再追。