美洲国家杯C组形势浅析

2019-06-12 20:35:26 来源:网络

photo_1177723.jpg
智利大将阿历斯山齐士急需喺本届赛事中证明自己。 photo_1177726.jpg
锋线支柱苏亚雷斯依旧系乌拉圭入波最大倚仗。 photo_1177729.jpg
万金油A.华伦西亚(左)仍系厄瓜多尔嘅定海神针。 photo_1177732.jpg
日本超新星久保建英本届赛事表现值得期待。 过去两日,我哋已经为大家分别介绍咗美洲国家杯A组和B组嘅情况。虽然无巴西同埋阿根廷呢啲球坛宠儿,但今日隆重登场嘅C组喺牌面上亦一啲都唔失礼,而且本届赛事冠军随时会喺该组中诞生。

C组有几巴闭?心水清嘅波友应该记得过去3届美洲国家杯冠军得主分别系智利(2015、2016)和乌拉圭(2011),而佢哋喺今届赛事中竟然同被分喺C组。与此同时,受邀参加嘅亚洲班霸日本,加上并非善男信女嘅厄瓜多尔,要想喺C组中突围而出绝非易事。

过去两届美洲国家杯决赛周中,连续夺魁嘅智利尽显统治力,12场赛事录得8胜3和1负,以及29:9嘅攻防表现都实实在在咁反映出佢哋嘅威力。而嚟到2019年,渴望完成美洲国家杯三连霸伟业嘅智利亦系精锐尽出,包括阿历斯山齐士维达尔米度尔伊斯拿等功勋名将均悉数入选,司马昭之心可谓路人皆知。对于智利而言,单论牌面实力,喺C组乃至整个赛事中都属顶级。但随住一众核心已经逐渐奔三,加上如阿历斯山齐士等食糊利器喺过去一个赛季球会发挥嘅不如意,都为智利本次争取三连霸之旅添上咗一层阴影。除咗夺冠,智利喺今届赛事中取得任何成绩都系属于失败,主帅雷达(Reinaldo Rueda)如今嘅压力之大,大家心照。

C组中有望同智利并驾齐驱嘅,相信非乌拉圭莫属。同智利一样,乌拉圭喺今届赛事同样倚重一批为国征战多年嘅名将,苏亚雷斯卡云尼域仙奴托雷拉哥甸荷西基文尼斯等悍将组成嘅三线班底绝对算得上系冠军级班底。不过发挥稳定度向来系乌拉圭嘅最大难题,虽然老帅奥斯卡塔巴列斯(Oscar Tabarez)对球队知根知底,但过去两届美洲国家杯分别喺半准决赛甚至分组赛出局嘅惨况仍然历历在目。值得一提嘅系,乌拉圭喺近三届美洲国家杯首战战绩并唔靓仔(胜和负各1场)。如果话想喺本届赛事中再创辉煌,咁乌拉圭喺分组赛首仗与厄瓜多尔一役就自然不容有失。同时与智利一样,乌拉圭一众核心班底如今亦系年华渐长,正所谓时不我待,只争朝夕,乌拉圭今次出征亦绝对系野心勃勃。

与智利及乌拉圭相比,厄瓜多尔喺今届赛事中更多系以本土联赛和墨超联搵食嘅球员为班底,但要数阵中最为人所熟悉嘅球星,当然要数即将在今夏离队嘅曼联球星A.华伦西亚。呢位中后场万金油过往咁多年一直系厄瓜多尔国家队嘅支柱力量,纵使已经年届33岁,但佢嘅经验依旧可以为国家队争胜保驾护航。不过与同组嘅两强智利及乌拉圭所不同,厄瓜多尔进攻瓣数唔算多,喺攻击线上更加只有安拿华伦西亚可供信赖,一旦佢遭遇冻结,厄瓜多尔喺本届赛事嘅前景势必会不太明朗。或者,争取最佳第三名曲线晋级会系厄瓜多尔如今一个更为实际嘅目标。

作为今届美洲国家杯特邀参加球队之一,日本在本届赛事中显然更多将目光放喺练兵之上。因为睇返佢哋嘅大军名单,无国家队正赛经历嘅初哥竟然高达16人。与同组另外三队更加注重当下相比,日本本次招入咗大量20岁左右嘅后生仔,全队甚至仅有川岛永嗣冈崎慎司两位年过三十嘅老将压阵。虽然话就话初生牛犊不怕虎,但要想喺球风老练嘅智利、乌拉圭乃至厄瓜多尔身上占便宜实在非易事。但日本喺本届赛事其实并不缺乏亮点,其中超新星久保建英能否闪耀赛场就绝对值得期待。

C组分组赛赛程:
2019 年 6 月 17 日 (星期一)
乌拉圭 VS 厄瓜多尔
2019 年 6 月 18 日 (星期二)
日本 VS 智利
2019 年 6 月 21 日 (星期五)
乌拉圭 VS 日本
2019 年 6 月 22 日 (星期六)
厄瓜多尔 VS 智利
2019 年 6 月 25 日 (星期二)
厄瓜多尔 VS 日本
智利 VS 乌拉圭